Registro multidimensional Wayúu
(Ashajiraa wainmapürat Wayuu)

Sukootchijain sulu'u wanesia ainjia, süchiku nnaatajat sajaapuin nepiapa nna wayuukana, süpüla sukumajunuin tü anatetnunjatka malu' u otta kamain, nnajapuluu'in jatuu nna mioyukana, jee shikiipujanaka suma tuu wayuu eekana nnapushua.

Su'ttia > Ashajiria Wainmapürat

Registro Multidimensional Wayúu: una herramienta viva

Süshajiapala ashajiraa wainmapürat Wayuu

Tuu yaaka ya'ya shia tuu shiyuujalaka tuu ayaawajunaka ainrüshi sutuma DANE wanaa sumaa süshajiruin wainmapürat Wayuu. Tuu akujunakaa ainrüshi süpüla, jaaliainjatuin tuu akuwaipaka sulu'u oumañu süpüla kaliinjanain nna eeka sutuma tuu pütchi meituinsalü T - 302 de 2017

Pütchi munaka

Piraaja tü pütchi eekaa sulu'u tü alatiriakaa ayawajaa Mmaapaa (SEN).

Demográficos

A'inmajaa eküülü anaasü

Wuin

Anaa

Wakujeerü tuu nnojotka piyawatuin a'u

  • Shiaya tuu palajatka ainnüin akootchijuunu'in tuu achikumaajatka yaawain ainjunusü chejeereya nnepiapajü nna wayuukana maaka sain piantuantua pooloo shikii juya sukaatalaain kolompia. Shia sutuujaweeka oùu jamüin nnakuuwaipa otta kasain anain amaa, nna tepichi. Tuu ashajiraka ainnusü sulu'u tuu mmaaka Akualu, Ichitki, otta Süchimaa.
  • Shia, naajatuin tuu ayaawajaaka ainnnusü uwaatua jaaka ainnusü eeree tuu kootokaa sulu'u o'umañü, akootchiiraa, anaatiraa tuu ashajiiraka shiaya wanee ayaataya kaatoulüü eesüü waneepia. Tü akuujaasü süchiku eeinjatuin sunaatitnüin watta ka'i eesu'u süpüla shikeerotu'in wayuu kepiañüin sulu'u tuu mmapaka pienchiskaa shiaya choujaawayuu.
  • Shiaja shikeerotirüin sukuuaipaa anaa, wuin, ekülü otta waraita sunain atujaawa so'u tuu alatakaa süupaa suumain Wayuu. Tuu akuujaalaka anaasüü süpüla shiiyaawase'e süpüla tuu Laülapiaka maaka sa'in Shikipujaa anaa, shiikiipujaa miichi, otta tuu Laülapia ainmajaaka sukuaipa tepichii, akaliinjashi suna'in akujaa, otta, nnekerootiruin ayataaya süpüla ayaawataa choujawa palajatkaa otta nnookootchijain tuu nnanuikuka nna wayuukana sulu'u nepiapa
  • Jo'usuu shi'ipajee tü pütchi Sentencia T-302 de 2017 de la Corte Constitucional münakat, achuntaka sünaatitnüinjatüin tü süchikumajatka saapüna neepiapa naa wayuukana süpüla suchajanuinjatüin sukuaipa kasa antakat namüin napüshua'a kajütüin atümawa. Jamusuja, tia Corte münakat sukujüin achiki sünain nnojolin anain sukuaipa tü a'yatawaa alu'watanakat napüla naa wayuukana je cho'ujakalaka sukumajitnüin wane ashajirawa pansaain sulu'u tü pienchi municipiokalüirua eere wainmain naa wayukana.
  • Sünain wasa anaa süpüla kataa o'u: suntünuijatüin tü wuin ulesu, ereejeria ayuliie, eküülü, jemein, anajirawaa o'u, ouktta je so'omüin. Müshijese'e suu'ulain eeinjaatüin nama'ana tü aküjakat jeketkat nachiki na kepiakana oumainrü, tü che'ijakat namüin je jamüs nakuaipa sünain katüin no'u, sutujainjat o'u tü Laülaapia mio'luska so'u mmakat Kolompia süpüla sainjüinjatüin wane kasa anaas anateretka nakuaipa sulu'u noumain.
  • shia Palajatka ayatawaa sünai nayawaajüin na wayukanairüa nojoishi nee asottüin sünain tu asakitnakat, eshi sünai sukumajünüin je sainjünüin. Naa laülaashikana noumairü akalinjashi sünain sainjünüin tü karaloukta eere sukotchojon tü wayukana süpüla shia'yatanjatüin sünai asakiraa je anaajüin saa'u ashajiraakat.

    Otta müsia tü akootchijakat kajutüinjat tü nanüikikat je sainmüin tü asakiraakat tü nanüikikat, shia wayuunaiki.

Antireria tü püchekakat